Азаматтарға арналған ақпараттар

Жаңалықтар

Қазақстан Республикасы Денсаулық сақтау министрлігі Фармация комитеті (бұдан әрі – Комитет) Комитет төрайымының 2019 жылғы 11 сәуірдегі № 68 Дәрілік заттардың тіркеу куәліктерін кері қайтарып алу туралыбұйрығын орындау үшін жол

 

Дәрілік заттардың тіркеу куәліктерін

кері қайтарып алу туралы

 

 

«Халық денсаулығы және денсаулық сақтау жүйесі туралы» Қазақстан Республикасы Кодексінің 84-бабының 7-тармағына, Қазақстан Республикасы Денсаулық сақтау және әлеуметтік даму министрінің 2015 жылғы                          27 ақпандағы № 106 бұйрығымен бекітілген дәрілік заттарға, медициналық мақсаттағы бұйымдар мен медициналық техникаға тыйым салу, оларды тоқтата тұру, айналыстан алып қою немесе шектеу қағидаларының                       2-тармағының 7) тармақшасына сәйкес, БҰЙЫРАМЫН:

1. Осы бұйрыққа қосымшада көрсетілген тізімге сәйкес дәрілік заттардың тіркеу куәліктері қайтарылып алынсын.

2. Қазақстан Республикасы Денсаулық сақтау министрлігі Фармация комитетінің Алматы қаласы бойынша департаменті осы бұйрықты алған күннен бастап күнтізбелік үш күннің ішінде осы шешім туралы осы бұйрықтың қосымшасында көрсетілген дәрілік заттарды мемлекеттік тіркеуге өтініш беруші тіркеу куәлігінің иесіне, дәрілік заттарды өндірушіге (оның Қазақстан Республикасының аумағындағы өкіліне), дистрибьюторларға жазбаша хабарласын.

           3. Қазақстан Республикасы Денсаулық сақтау министрлігі Фармация комитетінің аумақтық бөлімшелері (бұдан әрі – Комитеттің аумақтық бөлімшелері):

         1) осы бұйрықты алған сәттен бастап күнтізбелік бес күн ішінде осы бұйрықты бұқаралық ақпарат құралдары мен арнайы баспа басылымдары арқылы облыстардың, республикалық маңыздағы қалалардың және астананың денсаулық сақтауды мемлекеттік басқарудың жергілікті органдарына, дәрілік заттарды өндірушіге (оның Қазақстан Республикасының аумағындағы өкіліне), дистрибьюторларға, сондай-ақ медициналық және фармацевтикалық қызметтерді жүзеге асыратын субъектілерге, және құзіреті бойынша басқа да мемлекеттік ұйымдарға жеткізсін;

2) осы бұйрықты алған сәттен бастап күнтізбелік отыз күннің ішінде осы бұйрықтың қосымшасында көрсетілген дәрілік заттарды айналымнан шығаруға қатысты тиісті шаралар жүргізсін және күнтізбелік үш күн ішінде Қазақстан Республикасы Денсаулық сақтау министрлігі Фармация комитетіне осы шешімді орындауға қатысты қабылданған шаралар туралы хабарласын.

4. Осы бұйрықтың қосымшасында көрсетілген дәрілік заттары бар субъектілер ақпаратты алған сәттен бастап күнтізбелік бес күн ішінде орналасқан жері бойынша Комитеттің аумақтық бөлімшесіне осы шешімді орындауға қатысты қабылданған шаралар туралы хабарласын.

         5. Тіркеу куәлігінің иелері немесе дистрибьюторлар (келісім бойынша):

         1) осы бұйрықтың қосымшасында көрсетілген дәрілік заттардың қалдықтарын жинап алуды және кейіннен оны Қазақстан Республикасы заңнамаларының талаптарына сәйкес жоюды қамтамасыз етсін;

2) осы бұйрыққа қол қойылған күннен бастап бір ай мерзім ішінде орналасқан жері бойынша Комитеттің аумақтық бөлімшесіне осы тармақтың   1) тармақшасында көзделген шаралардың орындалуы туралы хабарласын.

         6. Осы бұйрық орындалуының бақылауын өзіме қалдырамын.

7. Осы бұйрық қол қойылған күнінен бастап күшіне енеді.

         Негіздеме: 2019 жылғы 8 сәуірдегі № 237/19 «КРКА Қазақстан» ЖШС, дәрілік заттардың тіркеу куәліктерін кері қайтарып алу туралы хаттары.

        

 

          Төрайым                                                                             Л. Бюрабекова

                              

 

барлығын толық оқу

Қазақстан Республикасы Денсаулық сақтау министрлігі Фармация комитеті (бұдан әрі – Комитет) Комитет төрайымының «Медициналық мақсаттағы бұйымның қолдануды және өткізуді тоқтата тұруды алып тастау туралы»2019 жылғы9 сәүірдегі № 67бұйрығын орындау үшін ж

10.04.2019-ғы № 18-3/2690 шығыс хаты

10.04.2019-ғы № 394 кіріс хаты

 

 

 

 

 

 

 

 

 

 

Медициналық мақсаттағы бұйымның

қолдануды және өткізуді тоқтата

тұруды алып тастау туралы

 

 

Қазақстан Республикасы Денсаулық сақтау және әлеуметтік даму министрінің 2015 жылғы 27 ақпандағы № 106 бұйрығымен бекітілген Дәрілік заттардың, медициналық мақсаттағы бұйымдар мен медициналық техниканың айналысына тыйым салу, олырды тоқтата тұру, айналыстан алып қою немесе шектеу қағидаларының 8-тармағына сәйкес, БҰЙЫРАМЫН:

  1. «Мөлдір камерасы бар бір рет қолданылатын, медициналық стерильді екі жақты AVATUBE Transparent Needle инесі, өлшемдері: 18G х1 (1,25х25мм); 18G x1 1/2 (1,25х38мм) қызғылт; 20G x1 (0,9х25мм); 20G x1 1/2 (0,9х38мм) сары; 21G x1 (0,8х25мм); 21G x1 1/2 (0,8х38мм) жасыл; 22G x1 (0,7х25мм); 22G x1 1/2 (0,7х38мм) қара; 23G х1 (0,6х25мм); 23G х1 1/2 (0,6х38мм) көгілдір», өндіруші «ЭкоФарм Интернейшнл» ЖШС, Қазақстан, ҚР-ММБ-5№013840, медициналық мақсаттағы бұйымдардың 110518 және 120518 сериялары (партиялары) медициналық қолдануға, сатуға, медициналық мақсаттағы бұйымның айналысын қайта бастау жолымен тоқтата тұру алынып тасталсын.
  2. Осы бұйрықты «Қазақстан Республикасы Денсаулық сақтау министрлігі Фармация комитетінің Алматы қаласы бойынша департаменті» мемлекеттік мекемесі дәрілік затты тіркеу куәлігінің иесіне хабарласын.

          3.  Осы бұйрықты Қазақстан Республикасы Денсаулық сақтау министрлігі Фармация комитетінің аумақтық бөлімшелері бес күнтізбелік күн ішінде:

облыстардың, Алматы және Астана қалаларының Денсаулық сақтау басқармаларына, облыстардың, Алматы және Астана қалаларының Кедендік бақылау департаменттеріне, «СҚ-Фармация» ЖШС-қа;

бұқаралық ақпарат құралдары және арнайы баспа басылымдары арқылы фармацевтикалық қызмет субъектілеріне хабарласын.

4. Осы бұйрықтың орындалуын бақылау Қазақстан Республикасы Денсаулық сақтау министрлігінің Фармация комитеті төрайымының орынбасары Н.Ә. Асылбековке жүктелсін.

         5.    Осы бұйрық қол қойылған күнінен бастап күшіне енеді.

        Негіздеме: ҚР ДСМ «Дәрілік заттарды, медициналық мақсаттағы бұйымдар мен медициналық техниканы сараптау ұлттық орталығы» ШЖҚ РМК 2019 жылғы 8 сәүірдегі №18-16-356/И хаты.

 

 

Төрайым                                                                            Л. Бюрабекова

барлығын толық оқу

ҚР ДСМ Фармация Комитетінің Ақмола облысы бойынша департаменті» Сіздің назарыңызға және орындауға, Фармация Комитетінің 2019 жылғы 04 сәуір № 64«Кейбір дәрілік заттардың тіркеу куәліктерін қайтарып алу туралы» Қазақстан Республикасы Денсаулық сақтау минис

«Кейбір дәрілік заттардың тіркеу куәліктерін қайтарып алу туралы» Қазақстан Республикасы Денсаулық сақтау министрлігі Фармация комитетінің 2018 жылғы 10 желтоқсандағы № 379 бұйрығының күшін жою және кейбір дәрілік заттардың тіркеу куәліктерін тоқтата тұру туралы

 

 

         «Құқықтық актілер туралы» Қазақстан Республикасы Заңының 65-бабы 3-тармағына, Қазақстан Республикасы Денсаулық сақтау және әлеуметтік даму министрінің 2015 жылғы 27 ақпандағы № 106 бұйрығымен бекітілген Дәрілік заттарға, медициналық мақсаттағы бұйымдар мен медициналық техникаға тыйым салу, оларды тоқтата тұру, айналыстан алып қою немесе шектеу қағидаларының   2-тармағының   1)   тармақшасына,   3-тармағының             1) тармақшасына сәйкес, ел азаматтарының денсаулығы мен өмірін қорғау мақсатында,БҰЙЫРАМЫН:

  1. «Кейбір дәрілік заттардың тіркеу куәліктерін қайтарып алу туралы» Қазақстан Республикасы Денсаулық сақтау министрлігі Фармация комитетінің 2018 жылғы 10 желтоқсандағы № 379 бұйрығының күші жойылсын.
  2. Тіркеу деректеріне өзгерістер енгізілгенге дейін осы бұйрыққа қосымшада көрсетілген тізімге сәйкес дәрілік заттардың тіркеу куәліктері тоқтата тұрылсын.
  3. Осы бұйрықтың орындалуын бақылау Қазақстан Республикасы Денсаулық сақтау министрлігі Фармация комитеті төрайымының орынбасары Н.Ә. Асылбековке жүктелсін.
  4. Осы бұйрық қол қойылған күнінен бастап күшіне енеді.

Негіздеме: «Химфарм» АҚ 2019 жылғы 28 ақпандағы № 49 хаты.

 

 

Төрайым                                          Л. Бюрабекова

 

 

 

Қазақстан Республикасы

Денсаулықсақтау министрлігі

Фармациякомитеті

Төрайымының

2019 жылғы 4 сәүірдегі

№ 64 бұйрығына

қосымша

 

 

Дәрілік заттардың тоқтата тұруға тиіс тіркеу куәліктерінің тізбесі

 

Тіркеу куәлігінің нөмірі

Берілген күні

Дәрілік заттың атауы (дәрілік түрі, дозасы)

Өндіруші, елі

Тіркеу куәлігінің иесі, елі

1

ҚР-ДЗ -5№019147

16.08.2017 ж.

Ванатекс, 80 мг қабықпен қапталған таблеткалар

«Фармавтический завод «Польфарма» АҚ, Польша

Химфарм АҚ

2

ҚР-ДЗ -5№019148

16.08.2017 ж.

Ванатекс, 160 мг қабықпен қапталған таблеткалар

«Фармавтический завод «Польфарма» АҚ, Польша

Химфарм АҚ

3

ҚР-ДЗ-5№019286

17.10.2017 ж.

Ванатекс Комби, 80/12,5 мг қабықпен қапталған таблеткалар

«Фармавтический завод «Польфарма» АҚ, Польша

Химфарм АҚ

4

ҚР-ДЗ-5№019287

17.10.2017 ж.

Ванатекс Комби, 160/12,5 мг қабықпен қапталған таблеткалар

«Фармавтический завод «Польфарма» АҚ, Польша

Химфарм АҚ

 

барлығын толық оқу

Жиі қойылатын сұрақтар

Как получить разрешение на проведение доклинических (неклинических) исследования биологически активных веществ?