ҚР ДСМ Фармация Комитетінің Ақмола облысы бойынша департаменті» Комитет төрайымының міндетін атқарушының 2018 жылғы 19 қазандағы № 324 « Медициналық мақсаттағы бұйымдардың серияларын (партияларын) медициналық қолдануға,сатуға тыйым салу және айналыстан

Медициналық мақсаттағы бұйымдардың

серияларын (партияларын) медициналық

қолдануға, сатуға тыйым салу және

айналыстан алып қою туралы

 

        Қазақстан Республикасы Денсаулық сақтау және әлеуметтік даму министрінің 2015 жылғы 27 ақпандағы № 106 бұйрығымен бекітілген Дәрілік заттарға, медициналық мақсаттағы бұйымдар мен медициналық техникаға тыйым салу, оларды тоқтата тұру, айналыстан алып қою немесе шектеу қағидаларының 2-тармағының 3) тармақшасына, 3-тармақтың 2) тармақшасына сәйкес, ел азаматтарының денсаулығы мен өмірін қорғау мақсатында, БҰЙЫРАМЫН:

1.  «Квинке, интродьюсері бар және интродьюсерсіз қарындаш типті SURUSPIN® жұлын инелері, өлшемдері (G): 17, 18, 19, 20, 21, 22, 23, 24, 25, 26, 27», өндіруші SURU INTERNATHIONAL PVT. LTD, Индия, тіркеу куәлігінің номері ҚР-ММБ-5№011454, медициналық мақсаттағы бұйымның А18085, С18099 серияларын медициналық қолдануға, сатуға тыйым салынсын және айналыстан алып тасталсын.

2. Қазақстан Республикасы Денсаулық сақтау министрлігі Фармация комитетінің Алматы қаласы бойынша департаменті осы бұйрықты алған күннен бастап күнтізбелік үш күннің ішінде осы шешім туралы «ABMG Expert» ЖШС-ке (бұдан әрі – өндірушінің уәкілетті өкілі) жазбаша хабарласын.

         3. Қазақстан Республикасы Денсаулық сақтау министрлігі Фармация комитетінің аумақтық бөлімшелері (бұдан әрі – Комитеттің аумақтық бөлімшелері):

         1) осы бұйрықты алған сәттен бастап күнтізбелік бес күн ішінде осы бұйрықты бұқаралық ақпарат құралдары мен арнайы баспа басылымдары арқылы облыстардың, республикалық маңыздағы қалалардың және астананың денсаулық сақтауды мемлекеттік басқарудың жергілікті органдарына, дәрілік заттарды өндірушіге (оның Қазақстан Республикасының аумағындағы өкіліне), дистрибьюторларға, «СҚ-Фармация» ЖШС-не, сондай-ақ медициналық және фармацевтикалық қызметтерді жүзеге асыратын субъектілерге, және құзіреті бойынша басқа да мемлекеттік ұйымдарға жеткізсін;

2) осы бұйрықты алған сәттен бастап күнтізбелік отыз күннің ішінде осы бұйрықтың 1-тармағында көрсетілген дәрілік заттарың серияларын (партияларын) айналымнан шығаруға қатысты тиісті шаралар жүргізсін және күнтізбелік үш күн ішінде Қазақстан Республикасы Денсаулық сақтау министрлігі Фармация және фармацевтикалық қызметті бақылау комитетіне осы шешімді орындауға қатысты қабылданған шаралар туралы хабарласын.

4. Осы бұйрықтың 1-тармағына сәйкес айналыстан алынып тасталуы тиіс аталған дәрілік заттардың сериялары (партиялары) бар субъектілер ақпаратты алған сәттен бастап күнтізбелік бес күн ішінде орналасқан жері бойынша Комитеттің аумақтық бөлімшесіне осы шешімді орындауға қатысты қабылданған шаралар туралы хабарласын.

         5. Медициналық мақсаттағы бұйым өндірушісінің уәкілетті өкілі:

         1) осы бұйрықтың 1-тармағына сәйкес аталған медициналық мақсаттағы бұйымдардың серияларының (партияларының) қалдықтарын жинап алуды және кейіннен оны өндірушіге қайтарып одан кейін басқа серияларға (партияларға) айырбастауды қамтамасыз етсін;

2) осы бұйрыққа қол қойылған күннен бастап бір ай мерзім ішінде орналасқан жері бойынша Комитеттің аумақтық бөлімшесіне осы тармақтың   1) тармақшасында көзделген шаралардың орындалуы туралы хабарласын.

6.  Осы бұйрықтың орындалуын бақылауды өзіме қалдырамын.

7. Осы бұйрық қол қойылған күнінен бастап күшіне енеді.

Негіздеме: ҚР ДСМ «Дәрілік заттарды, медициналық мақсаттағы бұйымдарды және медицина техникасын сараптау ұлттық орталығы» ШЖҚ РМК 2018 жылғы 16 қазандағы № 18-33/И-19491 хаты және ABMG Expert» ЖШС 2018 жылғы 15 қазандағы № 285-18 хаты.

 

        

           Төрайымның

міндетін атқарушы                                                     Н. Асылбеков

 


<<< Назад к новостям